Anilkumar Rathwa (Sameer) 04 Apr 2026 ग़ज़ल समाजिक "ખુમારી" 4951 0 Gujarati :: ગુજરાતી

અપેક્ષાના અંધારે હવે દીવો કરી તો જુઓ,
તમે પોતે જ પથ્થરમાં નવો ચીલો કરી તો જુઓ.

​નજર મીંચીને બેઠા છો તમે જેની પ્રતીક્ષામાં,
એ ખુદ પોતે જ છે અંદર, જરી ડોકું કરી તો જુઓ.

​સહારા તો સદાયે પાંગળા કરી નાખશે તમને,
ખુમારીના ખભા પર હાથ પોતાનો ધરી તો જુઓ.

​હજારો હાથ ઊઠશે રોકવાને માર્ગમાં તારા,
હૃદયમાં એક અણનમ શૌર્યનો ધબકો કરી તો જુઓ.

​નથી મળતી કદીયે ભીખમાં મંઝિલની આશાઓ,
તમે પુરુષાર્થથી ભાગ્યની રેખા હરી તો જુઓ.

​નથી મંજૂર અમને કરગરીને જીવવું ક્યાંયે,
સ્વમાની શ્વાસથી આયખું આખું નવું કરી તો જુઓ.

​જગત તો કાચનું ઘર છે, અહીં પથ્થર ઘણા મળશે,
તમે અણનમ રહીને સ્મિતનો પલ્લો ભરી તો જુઓ.