Anilkumar Rathwa (Sameer) 19 Mar 2026 ग़ज़ल समाजिक "ધૈર્યની ધરા" 3793 0 Gujarati :: ગુજરાતી

ઉતાવળના ઓરતા સૌ આંખમાં ભરી બેઠા,
વગર વાવે જ લણણીની જિદ્દ કરી બેઠા.

​તપસ્યાના તાવણે જે તપે એ જ કંચન છે,
અહીં તો લોક કાચને હીરો ગણી બેઠા.

​નથી ખબર કે વડલો થવામાં યુગો વીતે,
બસ કૂંપળ ફૂટતા જ છાંયડો માંગી બેઠા.

​પથ્થરને ક્યાં ઉતાવળ છે મૂરત બની પૂજાવા?
પણ માણસ ટાંકણાના ઘાથી ડરી બેઠા.

​વહે તું 'સમીર' થઈને, શીતળતા પાથરવા,
કે આંધી થઈને કેટલાય રણમાં ખરી બેઠા.