Anilkumar Rathwa (Sameer) 12 Mar 2026 ग़ज़ल समाजिक "અંતરની રોશની" 4200 0 Gujarati :: ગુજરાતી

દુનિયાના આ ત્રાજવે, સપનાઓ તોલાય ના,
ભીડના આ શોરમાં, નિજ સૂર ખોવાય ના.

​કાચ કહેશે કોઈ તને, કોઈ કહેશે પથ્થરો,
તું અસલમાં શું છે એ, કોઈથી પરખાય ના.

​ઝળહળાટ બહારનો, ઝાંઝવાનાં નીર છે,
શાંતિ જે ભીતરની છે, એ ક્યાંય દેખાય ના.

​રાત છે કાળી ભલે, તું જ તારો દીપ બન,
સૂર્યને જુગનુ તણા, વેણથી કરમાય ના.

​આ અરીસો તો ફક્ત, ચહેરાને ઓળખશે જરા,
રૂહના દરિયા તણી, ઊંડાઈ મપાય ના.

​લોકનું તો કામ છે, કહેવું અને ચાલ્યા જવું,
પોતાની જે મૌજ છે, એ કોઈથી છીનાય ના.