Anilkumar Rathwa (Sameer) 01 Mar 2026 ग़ज़ल प्यार-महोब्बत "મન અને પ્રેમ" 7014 0 Gujarati :: ગુજરાતી

જ્યાં હૃદયમાં વાસ હોય, ત્યાં મન કદી ભરાતું નથી,
પ્રેમ જેનો શુદ્ધ હોય, એ યાદમાં થાકતું નથી.

​લાગણી જો હોય ઘેરી, તો સમય ખૂટતો નથી,
મન ભરાઈ જાય તો, સગપણ કદી ટકતું નથી.

​સાથ ગમતો હોય તેનો, તો સફર લાંબી નથી,
હોય જો કંટાળો મનમાં, સ્મિત પણ મળતું નથી.

​પ્રેમ તો એ છે જે હરદમ, તાજગી આપ્યા કરે,
વાસી સંબંધોના ચોપડે, નામ કોઈ લખાતું નથી.

​સ્વાર્થમાં ડૂબેલા માનવ, પ્રેમ શું સમજી શકે?
જે સમંદર થઈ વહે, એ પાત્રમાં માતું નથી.