Anilkumar Rathwa (Sameer) 17 Mar 2026 ग़ज़ल समाजिक "મનનો મહેરામણ" 3619 0 Gujarati :: ગુજરાતી

બહાર લડવા કરતાં તું, મન સાથે લડતા શીખી જા,
ભીતર ઉઠતા વાવાઝોડાં, શાંત કરતા શીખી જા.

​કોઈની છીનવેલી જીતમાં, ક્યાં મળે છે સુખ કદી?
પોતાના પર વિજય મેળવી, જીતતા તું શીખી જા.

​મુસીબત જો ખટખટાવે દ્વાર, તો ગભરાઈશ નહીં,
સમયને સમજી, સંજોગો સામે લડતા શીખી જા.

​નથી બદલાતા માણસો, કે નથી બદલાતા સંજોગો,
સમયની સાથે તારા મનને, બદલતા તું શીખી જા.

​ક્રોધ આવે તો લગામ, તારા હાથમાં તું રાખજે,
હારીને પણ જિંદગીમાં, જીતતા તું શીખી જા.