Anilkumar Rathwa (Sameer) 21 Mar 2026 ग़ज़ल समाजिक "પાત્રતાનો સૂર્યોદય" 6560 0 Gujarati :: ગુજરાતી

વહેંચવા તૈયાર બેઠી જિંદગી આખું નગર,
શરત છે એટલી જ કે, તું પાત્રતા કેળવી તો જો.

​સાગર મહી મોતી ઘણાં છે, હાથ એના જ જશે,
ડૂબવા જેવો મહીં, તું એક અવસર થઈ તો જો.

​પથ્થરોમાં પ્રાણ ફૂંકાયા નથી હોતા કદી,
તારી અંદરના શિલ્પીને, તું સદ્ધર કરી તો જો.

​ક્યાં સુધી માંગશે ભીખ તું બીજાના અજવાળાની?
ખુદને સળગાવીને તું, એક મઝહર થઈ તો જો.

​આભ પણ ઝૂકી જશે તારા ચરણને ચૂમવા,
આત્મવિશ્વાસના એ આભમાં, તું અવસર થઈ તો જો.