Anilkumar Rathwa (Sameer) 02 Apr 2026 ग़ज़ल समाजिक "જગતનો અંદાજ" 4301 0 Gujarati :: ગુજરાતી

દુનિયાના કડવા વેણથી ક્યારેય ન ગભરાશો,
કાચના ટુકડા સમજી હીરાને ત્યાગે છે આ જગત.

​પોતાની કિંમત પોતાની ભીતર જ તું શોધજે,
અંધારામાં રહીને અજવાળાને માપે છે આ જગત.

​જે કચડી નાખે છે રસ્તાના પથ્થરોને પાય નીચે,
એ જ મૂર્તિ બનાવીને માથું ટેકવે છે આ જગત.

​તું તો વહેતી નદી છે, સાગરને મળવાનું રાખ,
ખાબોચિયામાં રહીને ઊંડાઈ ક્યાં જાણે આ જગત?

​'સમીર' જેવી ખુશ્બૂ બનીને હવામાં ફેલાઈ જા,
બંધ મુઠ્ઠીમાં પવનને ક્યાંથી રોકી શકશે આ જગત?